Face-book.yoo7.com Fourm | منتدى الفيس بوك

عايز تتعلم الرزاله ... 613623

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدي الفيس بوك .. لمشاهدة الموضوعات والمشاركة يلزم عليك التسجيل .. وشكرا
سنتشرف بتسجيلك
شكرا عايز تتعلم الرزاله ... 829894
ادارة المنتدي عايز تتعلم الرزاله ... 103798


انضم إلى المنتدى ، فالأمر سريع وسهل

Face-book.yoo7.com Fourm | منتدى الفيس بوك

عايز تتعلم الرزاله ... 613623

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدي الفيس بوك .. لمشاهدة الموضوعات والمشاركة يلزم عليك التسجيل .. وشكرا
سنتشرف بتسجيلك
شكرا عايز تتعلم الرزاله ... 829894
ادارة المنتدي عايز تتعلم الرزاله ... 103798

Face-book.yoo7.com Fourm | منتدى الفيس بوك

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
Face-book.yoo7.com Fourm | منتدى الفيس بوك

منتدى الفيس بوك.. يشمل المنتدى على ..المنتدى الاسلامى .مملـكه الحب.قسم المتنوعه.قسم الضحك.بنات × بنات.قسم الغرائب والعجائب.الابراج وحظك اليوم.منتدى الأغاني و الكليبات.قسم صور الفنانين والفنانات. اخبار الفنــانين.منتدى الموبايل.قسم الحاسوب والبرمجة .وأكثر.

المواضيع الأخيرة

» جميع اختصارات الكيبورد KayBoard Shortcuts
عايز تتعلم الرزاله ... Emptyالجمعة فبراير 11, 2011 6:57 pm من طرف nki

» كلمه لايكتبها الكمبيوتر
عايز تتعلم الرزاله ... Emptyالجمعة فبراير 11, 2011 6:52 pm من طرف nki

» شوف حظك اليوم وخلال الاسبوع
عايز تتعلم الرزاله ... Emptyالثلاثاء ديسمبر 15, 2009 3:04 am من طرف QueeN

» افضل تعبير ممكن يقال عن الحب
عايز تتعلم الرزاله ... Emptyالخميس أغسطس 20, 2009 7:18 am من طرف smsmsso

» الإرتقاء بالنفس ...
عايز تتعلم الرزاله ... Emptyالأربعاء يوليو 15, 2009 8:19 am من طرف angelearth

» حمل شريط عمرو دياب الجديييييييد{*_*}
عايز تتعلم الرزاله ... Emptyالسبت يوليو 04, 2009 3:41 am من طرف amna

» {*_*} جدول المسلم {*_*}
عايز تتعلم الرزاله ... Emptyالسبت يوليو 04, 2009 3:25 am من طرف amna

» لولا الحزن لما عرفنا الفرح
عايز تتعلم الرزاله ... Emptyالسبت يوليو 04, 2009 2:39 am من طرف amna

» قـــ♥ـــواعد للغـــ♥ـــہ القلـــ♥ـــوب
عايز تتعلم الرزاله ... Emptyالأحد يونيو 28, 2009 9:47 am من طرف angelearth

تدفق ال RSS


Yahoo! 
MSN 
AOL 
Netvibes 
Bloglines 

احصائيات

أعضاؤنا قدموا 187 مساهمة في هذا المنتدى في 104 موضوع

هذا المنتدى يتوفر على 138 عُضو.

آخر عُضو مُسجل هو عبدالله بكر ابراهيم ادم فمرحباً به.

المتواجدون الآن ؟

ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد


[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 906 بتاريخ السبت مارس 02, 2013 1:59 pm


    عايز تتعلم الرزاله ...

    Mohamed Elshbokshy
    Mohamed Elshbokshy
    المدير العام للمنتدى
    المدير العام للمنتدى


    عدد المساهمات : 62
    نقاط : 175
    تاريخ التسجيل : 19/06/2009
    العمر : 38
    الموقع : www.face-book.yoo7.com

    عايز تتعلم الرزاله ... Empty عايز تتعلم الرزاله ...

    مُساهمة من طرف Mohamed Elshbokshy الأحد يونيو 21, 2009 4:45 am


    طبعا رزل غلاسه دى انا هعملها سلسله او موسوعه وربنا يقدرنى على فعل الخير

    ( بتعب اوى والله )

    طبعا انا مش هرغى كتير ولا هطول عليكم اكتر من كده علشان محدش يقول عليا

    رزلـــــــ

    وده طبعا لانى مش عايز اطلع عين حد لو فكر انه يفكر فيا مجرد تفكير انى

    رزلــ مـثــــلا عايز تتعلم الرزاله ... Biggrin


    بوصوا من الاخر انا هحاول بقدر الامكان انى اخليكم ناس رزله جدا وصدقونى

    ده لانى قلبى عليكم يا خيبين وبدور على مصلحتكم اسمعوا وعوا

    من اخوكم محمد اطيب خلق الله ( ربنا يخلينى وانا استاهل كل خير طبعا )





    [center]عايز تتعلم الرزاله ... 750124753عايز تتعلم الرزاله ... 750124753


    ازاى تبقى رذل مع أخوك


    طلع عليه اسمه يستفز وناديله بيه يعنى لو جت ناحيته دبانة مرة بالصدفة كده
    سميه دبانة وأستلمه بقى رايح فين يا دبانة جاى منين يا دبانة ياعم أقعد متعملناش فيها دبانة بحق وحقيقى
    فكره بالمواقف بتاعت زمان اللى بتضايقه كلها زى علقة حلوة كده من بابا او ماما
    هات حاجات ورذل عليه بيها يعنى مثلا لو بيحب الشوكولاته كل ماتدخل البيت هات واحدة فى إيدك وكلها قدامه
    ولا أقولك هات علبة وكل ساعة كل واحدة قدامه لحد ما يتحايل عليك تديله منها أو يتغاظ وينزل يجيب
    وأنت داخل البيت قوله فى واحد صحبك مستنيك تحت متقولوش هو مين عشان ميعملش ناصح ويتصل بيه يقوله اطلع
    قوله هو صحبك وأنا عارف شكله بس معرفش اسمه وخليه ينزل ويطلع على الفاضى
    لو انت الكبير قوله انت فاكر نفسك كبرت على الضرب ولا أيه و الكلمة دى رذلة ومستفزة جدا
    خليه يحط حاجة كانت فى إيديه زى مثلا قلم ولا موبايله بمجرد ما يحطه خبيه أنت علطول
    هيرجع مش هيلاقيه هيتغاظ جدا وهيفضل يقول دانا لسه حاطه هنا بإيدى من شوية
    لو نايم استخدم اى طريقة عشان تصحيه من النوم وهما كتار ما شاء الله
    عشان اللى معندوش خبرة برضه أقولك تعمل أيه
    قيد النور كأنك بتدور داخل تدور على حاجة
    وشغل أعلى نغمة فى موبايلك كأن حد بيتصل بيك
    ومفيش مانع تدور على الحاجة دى تحت المخدة والمرتبة اللى هو نايم عليهم
    مش هوصيك بقى وأنت بترفع المخدة اللى عليها راسه عشان تبص تحتها
    لو أنتوا الأتنين نفس نوع الموبايل أقعد ألعب فى البطارية بتاعتك عشان تبقى يادوب هتفضى
    وروح غير البطاريات وسيبهاله على شعره يعنى لو حد بس رن عليه ولا هو فكر يشوف الساعة
    هيفصل منه شحن وياسلام بقى لو مستنى تليفون ضرورى وفصل منه شحن تبقى مية مية
    ولو قالك هات بطاريتك إوعى تفرط فيها صحيح هى بطاريته بس هو هيعرف منين فكك
    لو شارى لبس جديد أصحى أنت من الفجر وألبسه وأنزل بيه ولو أتصل بيك قوله أصل أنا صحيت
    وملقيتش حاجة ألبسها روحت لبسته بقى وخلاص وبعد كده أبقى اشترى هدوم أحسن من كده
    عشان لما أتزنق فى هدوم وأحب أخرج الأقى حاجة كويسة وأقفل فى وشه بالمرة بلاش قرف
    مش شرط لبس بس أى حاجة جديدة لازم تحط عليها بصمتك السحرية الأولى قبل مايفرح بيها
    أمسح الحاجات اللى على الكمبيوتر اللى هو بيحبها أفلام أغانى صور برامج أى حاجة
    قوله أنا كنت مشغل الأنتى فيروس وهو اللى مسحهم شكلهم فيهم فيروس وفيروس رذل كمان إحم إحم
    لو واخد ميعاد من حبيبته يكلمها مثلا على الساعة 10 بالليل كده على النت ولا حاجة
    أنت قبلها بشوية تقعد تذاكر وتقوم تقول لباباك أو مامتك أنا عايز الكمبيوتر أريح شوية أنا بذاكر من بدرى
    خليه هو يروح يذاكر شوية لحد ما أريح ويبقى يجى يقعد وتبقى ضيعت عليه الليلة
    جبنا سيرة النت بقى والكلام هيفتح لأ خليها للحلقة الجاية أحسن بقى براحتنا
    أو ممكن الحلقة الجاية أكمل الرذالة فى البيت ويبقى بقى على باباك ومامتك


    عايز تتعلم الرزاله ... 750124753عايز تتعلم الرزاله ... 750124753


    ازاى تبقى رذل فى المواصلات

    لو راكب فى باص أو ميكروباص وجنبك حد نايم اوعى تسيبه نايم
    كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى
    لو مش نايم متسيبوش فى حاله برضه عيب عليك متجيش
    ركز على سؤال واقعد اسألهوله كل شوية زى أنت نازل فين طب انت دفعت ولا لأ
    لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
    أو قوله ماتنزل من الشباك
    لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
    اتمطع بقى وقول ياسلام على الراحة الواحد مكنش عارف هيعمل أيه لو مش قاعد
    لو العكس بقى اقعد اسأل كل واحد انت نازل فين واقعد قول بصوت عالى
    ياجماعة محدش نازل قريب أصل انا عايز اقعد طول مانت واقف قول كده لحد مايقعدوك
    لما الكمسرى يجى ياخد منك الاجرة اسأله على تمن كذا مكان
    يعنى قوله هو لغاية الحتة الفلانية بكام طب لغاية الحتة دى بكام
    اسأل على تمن كل الاماكن اللى تعرفها لحد مايقولك ياعم خلصنى رايح فين
    قوله مانا عشان ابقى عارف بس وتقل فى العيار يمكن يسيبك ويمشى
    لما يدى حد تذكرة قوله ورينى كده لو سمحت واقعد اتأمل فيها
    لحد ما صاحبها يزهق ويشدها منك
    فى مفتش بقى ساعات بيطلع يفتش على التذاكر وبيطلع على السريع كده وينزل
    أنت بقى اوعى تديهاله علطول كده أزعل منك والله
    دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
    واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
    كفاية كده بقى حرام المفروض تنزل قبل الناس ماتموت منك
    أستنى رايح فين أنت نازل عادى كده ولا كأنك رذل ولا حاجة
    وأنت نازل هيبقى فى ناس واقفة أعمل نفسك مش عارف تعدى
    وحاول تجاهد على قد ماتقدر وتضيع الوقت اللى تقدر عليه
    لحد الناس ماتشيلك وترميك بعد ماتكون جبتلهم السكر ورفعت ضغطتهم


    عايز تتعلم الرزاله ... 750124753عايز تتعلم الرزاله ... 750124753


    إزاى تبقى رذل مع حبيبتك

    كل ماتتفقوا على ميعاد روحلها متأخر وسيبها تتلطع وتتذنب شوية
    وأول ماتوصلها متديهاش إهتمام عشان أساسى هى هتطلع فيك عشان اللطعة أنت لاطعهالها دى
    فا حاول تتحجج بأى حاجة كأنك بتعمل حاجة فى الموبايل ولما تسألك بتهبب أيه ؟
    قولها بستعلم بس عن الرصيد أو أى حجة هبلة يعنى
    ظبط كل مشوايرك المهمة على اليوم اللى هتقابلها فيه عشان تدبسها وتخليها تيجى معاك
    وياسلام لو كان فيهم مشوار من بتوع المصالح الحكومية اللى بيطلعك وينزلك مية مرة
    ويلففك المصلحة كلها حتة حتة يبقى تمام أوى رجلها على رجلك
    لما تقولك أنا جالى عريس قولها أيه ده بجد ؟؟؟؟؟
    هتقولك أيوة مستغرب كده ليه ؟؟؟
    قولها هو فى حد لاقى عرسان اليومين دول على العموم ألف مبروك ياحبيبتى
    لو طلعت بتحكيلك عن عيوبه عادى وبتقولك بقى أنا أتجوز واحد بالطريقة دى والكلام ده
    قولها ياحبيبتى آمال أنتى فاكرة أحمد زويل هييجى يتقدملك ماهو ده آخرك يعنى
    لو العكس بقى وقالتلك العريس عاجب بابا وماما وعنده وعنده وبيقولولى أنتى عبيطة
    قولها أنا كمان رأيى من رأيهم , هتقولك رأيك إن أنت كمان موافق عليه ؟
    قولها لأ إن أنتى عبيطة
    طبعا الغرض الأول من الحوارات دى إن هى تحرك حضرتك عشان تروح تتقدملها
    أعمل عبيط بقى ورد على قد اللى بتسمعه وبس
    لو كنتوا فى نفس الجامعة بس كل واحد فى كلية وقاعدين سوا
    كل ماتشوف واحدة معاك فى الكلية سيب حبيبتك وقوم أتكلم معاها بأى حجة
    ولما ترجع قولها كنت بسألها على حاجة مهمة عندنا فى الكلية
    ولما تشوف واحدة تانية قوم برضه أعمل نفس الحوار
    ولما ترجع قولها أصل الأولى مكنتش عارفة فا سألت دى وهكذا
    لو هتدخلوا سينما هى طبعا عايزة تشوف فيلم رومانسى ولا حاجة
    أنت بقى أمسك فى إنك تختار فيلم كوميدى أو رعب
    لو كوميدى أفضل أضحك طول الفيلم حتى على الحتة البايخة ونفضلها خالص ولا كأنها جنبك
    اما لو دخلتوا رعب لو كنت بتحب أفلام الرعب ركز مع الفيلم ونفضلها برضه
    أما بقى لو كنت بتخاف وداخلة عند فيها أو عشان تثبتلها إنك بطل وقلبك ميت
    فا الحل الوحيد تعمل إنك رايح عليك نومة بس لو معرفتش تنام من صوت الأكشن
    فا ألبس نظارة سودة وقولها أصل الأشعة بتتعب عينى وغمض براحتك بقى يامعلم ونفض على الآخر
    لو بتتغدوا بره وبتسألها هتاكلى أيه وقالتلك أطلبلى زيك وأطلبلى أى حاجة من غير شطة
    وروح وصيه أنت بقى يزود الشطة على قد مايقدر
    ولما الأكل يجى قولها أنا كنت فاكرك بتقولى أى حاجة فيها شطة
    لو فى مناسبة زى عيد ميلادها أو الفلانتين أو أى حاجة
    أتصل بها والأول خدها فى الكلام وأقعد كلمها ساعتين فى حاجات فارغة ملهاش علاقة بالمناسبة
    وفجأة قولها ثانية واحدة ياحبيبتى هكلمك تانى فى حاجة مهمة
    ومتسألش فيها باقى اليوم وضيع عليها المناسبة
    بعد كده لما تسألك السبب قولها أصل كان فى كليب أول مرة أشوفه
    أو كنت بتفرج على فيلم عاجبنى وكنت بكلمك فى الفاصل ولما رجع اضطريت أقفل
    أو ماما كانت مجهزة الأكل وبتنادى عليا وأنا كنت جعان أوى ومقدرتش أستنى
    أى حجة رذلة تحرق الدم وخلاص
    لو جابتلك هدية وسألتك أيه رأيك فيها قولها كانت جابتهالى واحدة صحبتى أو قريبتى قبل كده زمان
    قصدك يعنى إن الهدية قديمة ومش مالية عينك
    ونفس الحوار فى مسجات الموبايل كل ماتبعتلك حاجة قولها اتبعتتلى قبل كده
    لو قالتلك مانا بشوف المسجات بتاعتك علطول قولها يبقى شوفتها فى موبايل حد أعرفه
    المهم إن أنا قريتها قبل كده حتى لو كنت أول مرة تشوفها فى حياتك
    مش بعيد هى بقى تألفلك مسج وتقولها شوفتها قبل كده وتبقى أتفقست يامعلم
    عادى برضه شككها فى نفسها وسوق فى الإستهبال

    [/center]


      الوقت/التاريخ الآن هو الخميس مارس 28, 2024 8:17 am